DAGUPAN CITY– Papadisiran ya unabot ed liman libon beach goers so iilaluan na Provincial Disaster Risk Reduction Management Council o PDRRMC ya unlad Lingayen beach , diad luyag na Pangasinan natan ya Semana Santa.
Diad eksklusibon impituyaw na Bombo Radyo Dagupan ed kinen Maricar Palang na PDRRMC Training and Information Emergency Medical Services, diad kaplesan medyo daiset ni unpapasyar diad beach balet diad arapen ya Huwebes Santo tan Biyernes Santo so undakel laray beach goers ed abitlan lugar.
Onong nid si Palang, sara sarag ni manames diad Lingayen beach ta anggapoy gale warning balet otomatikon nawalaan na no swimming policy no bilang wala so gale warning o itagey na daluyon diad dayat.
Target da met so no drowning incident diad Lingayen beach tan say katuwaan toya, anggapo ni naikurit dan insidente na nalner diad abitlan dayat.
