DAGUPAN CITY- Impasiguro nen National Security Adviser Hermogenes Esperon Jr. ya akatarya so law enforcement agency nilirad posiblidad ya panggulo na NPA kabansag na anibersaryo dad December 29.
Diad ekslusibon impituyaw na Bombo Radyo Dagupan ed kinen Esperon, impalapag ton akatarya so kapulisan tan Armed Forces of the Philippines lautla ipapasen ya terorista iray NPA ya mangibubuyak na gulo diad bansa diad panamegley na panagtambang, panagpool, panagketang tan arum nira.
Inkuwanton, anggapon talaga so pipiliin ya petsa o okasyon iray NPA anggano panaon na pasko.
--Ads--
Lapud saya, mitotongtong irad saray barangay pian nabaat so antokaman ya makapoy ya plano na NPA.
