‘Very Exciting’
Ganito ilarawan ng isang basketball analyst dito sa syudad ng Dagupan ang napipintong laro para sa Game 1 ng NBA Finals sa pagitan ng defending champion na Golden State Warriors at ang Champion sa Eastern Conference Division na Toronto Raptors.
Sa naging panayam ng Bombo Radyo Dagupan kay Angel Gumarang, NBA analyst dito sa syudad sinabi nito na magiging kaabang abang ang laro ng dalawang nabanggit na koponan lalo na’t ito aniya ang unang pagkakataon na mag tutuos ang dalawa sa Finals ng NBA.
Pareho umanong may ‘super power teams’ ang dalawa pagdating sa opensa at ang kanilang mga players ay kapwa umano magagaling at matatalino.
Aniya, ang point guard na si Stephen Curry at Small Forward na si Klay Thompsom ang posibleng magbigay ng malaking ambag o puntos sa Golden State Warriors habang ang center na si Marc Gasol at small forward na si Kahi Leonard naman para sa team ng Toronto Raptors.
Samantala,kumpyansa si Gumarang na ang koponan na may hawak ng malaking lamang ay pilit pa ring iiskor sa huling mga segundo ng laro kahit tambakan na umano ang iskor.
