DAGUPAN CITY – Isang lalaki mula sa Idaho, USA ang tumanggap ng 96 na basang espongha sa mukha sa loob lamang ng isang minuto, at sa proseso ay muling nabawi ang isang kakaibang titulo mula sa Guinness World Records.
Si David “Record Breaker” Rush at ang madalas niyang katuwang na si Jonathan “Hollywood” Hannon ay dating may hawak ng rekord para sa pinakamaraming basang esponghang naihagis sa loob ng isang minuto (dalawang tao bilang koponan) na may kabuuang 92.
Ngunit natalo sila ng ibang koponan na nakapagtala ng 93.
Ang rekord ay nangangailangan na ang espongha na ihahagis ng isang kalahok sa kasong ito, si Hannon ay dapat tumama sa mukha ng pangalawang kalahok, si Rush.
Kuwento nito ay kailangan bukas ang mga mata niya para masundan ang espongha at makagawa ng kaunting pag-aadjust, pero kailangan din rin itong ipikit sa isang iglap bago siya tamaan ng gaspang na bahagi sa mata.
Pagkakatalsik umano ng tubig, kailangan niya agad itong buksan para makita ang susunod na espongha.
Muling nabawi ng dalawa ang titulo sa pamamagitan ng 96 na tama ng basang espongha sa mukha ni Rush.
Si Rush, na may mahigit 181 personal na Guinness World Records titles, ay nagsabing ang pinakabagong tagumpay na ito ang kanyang ika-47 na rekord na hawak nang magkatuwang kasama si Hannon.
