Arestado ang isang 30 anyos na lalaki matapos maaktuhan sa aktong iligal na namumutol ng punong kahoy sa isang pribadong lugar sa bayan ng Sison, Pangasinan.
Nakilala ang suspek na si Michael Sabagan, 30 anyos at isang magsasaka.
Naaktuhan umano ng mga otoridad ang iligal na pamumutol nito ng kahoy partikular na sa Brgy Alibeng sa nabanggit na bayan. Sinubukan pa umanong hingian ito ng mga dokumento ngunit walang naipakitang anumang permit ang nasabing suspek .
Narekober naman ng mga otoridad ang ginamit nitong chainsaw at labing dalawang malalaking troso. Napag alaman din ng pulisya na walang pahintulot mula sa pribadong may ari ng lupa ang pamumutol ng kahoy ng suspek.
Bukod pa dito, nadiskobre din ng pulisya ang dalawang pakete ng hinihinalang marijuana sa bag ni Sabagan.
Kasalukuyan namang nakapiit sa kulungan ang suspek at nakatakdang sampahan ng patong patong na kaso.
