DAGUPAN CITY-Papanisiaan ya lapud selos kanyan ginetman sikbaten lawari na 26 anyos ya laki so kaamong tonya balet sikato met so apatey kasumpalan ya pinaltog diad Mabini,Pangasinan.
Diad ekslusibon impituyaw na bombo Radyo Dagupan ed kinen police Senior Inspector Mark ryan Taminaya, Officer in charge na Mabini PNP, inkuwanton akatongtong da so pipiamuangan na biktiman si Richmond Nacional, 26 anyos tan residente na Brgy Cabanaeta diad abitlan baley.
Onong ed say kaamong to, kada nabuek so biktima so mabetbet iran mankolkol ya unhahantong ed pisikal ya pansakit.
Imbaga tonin say graben panselos so nenengneng ton rason no akin gagaween iyad sikato na say biktima.
No nanonotan antes ya agawa so insidente nankolkol so biktima tan say kaamong to ya nansumpal ed say panikbat na barang lawari diad say sikato.Bangbalet simmabi so sakey ya manngaran na Rowel Valdez residente met diad abitlan lugar tan naimatunan toy agawa kanyan inala toy paltog to tan pinaltog si Nacional.
Imbatik diad ospitaL so biktima balet indeklaran dead on arrival lapud kenay balay paltog diad say pagew to.
Kaleganan tonya, patuloy ni gagaween ya hot pursuit operation ed say tinmakas ya suspek.
