DAGUPAN CITY—Narel so 32- anyos ya laki ya nanpanggap na pulis ed Manila kasumpalan iyan nalaan na paltog tan bala ed baley ya Tayug, luyag na Pangasinan.
Kinabat so suspek na si Marlon Operaña, residente ed barangay Sto. Domingo ed abitlan baley.
Naimano ed say ginawan checkpoint ed barangay Poblacion, so kahina-hinalan kilos na sayan abitlan laki ya akalugan ed motorsiklo.
--Ads--
Dia da la inasingeran so suspek ya nanpakabat na si sakey pulis ed Manila no iner nalaan iya na kalibre 45 ya paltog na walay pitoran bala.
Agga balet akapan panengneng ya dokumento so saray suspek ya natan et wala la ed kustodiya na saray pulis.
