DAGUPAN CITY– Inatey so sakey ya 46 anyos ya laki kasumpalan ya natplag diad pan-tatambayan ya taytay diad Bayambang, Pangasinan.
Kinabat so biktima ya si Allan Sison kwarentay sais anyos, residente na barangay Wawa diad abitlan baley tan papanisiaan ya walay diprensyad ulo.
Onong ed say impormasyon daray pulis , antis tumay agawan insidente, anengneng na sakey ya Public Order and Safety Office o POSO enforcer ya kinabat ya si Joey Esteban so biktima ya akayurong tan akatambay diad Romulo Bridge ed Bayambang.
--Ads--
Kaimbwasan to adiskobre daray manaayam asinger dimad abitlan lugar so bangkay tonya.
Kaleganan tonya, papanisiaan ya natplag may biktima ta anggapoy anengneng dan senyales ya walay foul play mesesengeg ed inkapatey to.
