Labrador, Pangasinan niyanig ng 3.9 magnitude na lindol

Niyanig kagabi ng mahinang lindol ang ilang lugar sa Pangasinan kasama ang lungsod ng Dagupan.

Ayon sa tala ng PHIVOLCS, bandang alas-9:20 ng gabi naramdaman ang magnitude 3.9 na lindol sa bayan ng Labrador.

Intensity II naman ang naramdaman sa lungsod ng Alaminos at lungsod ng Dagupan.

Wala namang napaulat na nasaktan o nasugatan sa nasabing lindol.