DAGUPAN CITY-Labin talon chief of police manlapud rehiyon uno so inekal ed say puwesto da.
Saya so kinompirma mismo diad Bombo Radyo Dagupan nen PNP Regional Director Police Chief Supt Romulo Sapitula.
Onong ed opisyal, inekal iray Chief of police lapud abeban ratings na performance dad trabaho.
Likod ed saya, nangawa met ira na validation tan evaluation no iner ninengneng so performance daranya tan say ‘poor leadership’ so pinmaway ya resulta.
Kaleganan tonya, saray nakal ya chief of police so manlalapud Batac City Police Station, Panili Municipal Police Station, Nueva Era MPS, Carasi MPS, Candon CPS, Narvacan MPS, Santa MPS, Alilem MPS, Salcedo MPS, Supon MPS, Santos MPS, Burog MPS tan San Gabriel MPS.
No nanonotan, imuna lan impalapag nen Sapitula ya say performance na saray PNP commander so magmaliw ya basian na say pansansia dad pwesto ed say nagawan balasaan ed liderato na PNP.
