DAGUPAN CITY– Say presidente labat so nayarin mangiter na amnestiya.
Saya so paliwawa nen atty. Joey Tamayo diad ekslusibon impituyaw na bombo radyo Dagupan kayari na nagmaliw ya deklarasyon nen presidente Rodrigo Duterte ya binawi so amnestiya nen Sen. Antonio Trillanes IV lapud say nan-apruba et si datin Department of National Defense (DND) Sec. Voltaire Gazmin.
Anggaman untanm, nayarin usaren iya bilang kumaduan ibidesya ya manpaneknek ya nan-aplay si senador Antonio Trillanes na amnestiya diad panag-oley nen datin presidente Benigno NoyNoy Aquino.
No nanonotan ya say aanapen ya aplikasyon ya inaprubaan kono na Kongreso parad concurrence, diad Defense department tan executive department so nababalang.
Akabatan ya say lebel na presidential proclamation so nanlapud kinen datin presidente Aquino, legana ya say rekomendasyon so nanlapud kinen Gazmin.
