DAGUPAN CITY– Maples ya tinmagey so kaso na sakit ya dengue kasumpalan ya aranasan nen apalabas iran simba so panuran diad luyag na Pangasinan.
Akabatan ya unabot la ed masolok ya 2,805 so kaso na dengue natan ya 2017 tan walora la so inatey.
Inpasilong la ed malet ya monitoring so samploran baley diad probinsiya makasengeg ed say inkiwala na kasoy dengue ya pikabiangan na saray baley na Bayambang, Bugallon, Malasiqui, Tayug, Lingayen, Bolinao, Binmaley, Asingan tan ciudad na Urdaneta tan San Carlos.
--Ads--
Impanonot lamet na Provincial Health Office o PHO, ya tampol ya ikunsulta diad doctor no bilang makalikna na saray sintomas na sakit ya dengue piyan tampol ya natambal.
