DAGUPAN CITY – Naaruman lamet so kaso na dengue diad luyag na Pangasinan no iner inmabot la na 99 percent.
Base iya ed say nagmaliw ya datos na Pangasinan Provincial Health Office (PPHO).
Onong ed abitlan opisina, papagaan da so itagey na bilang daray totoon asakitan na dengue lautla duwaran simba lan delap so pigaran parte diad probinsya.
Based ginawa dan monitoring, sinmegep la ed 2,589 so kaso na suspected dengue, mas atagey kumpara ed 1,303 ya bilang nen apalabas ya taon o kabaliksan na 99 percent.
Likod ed say dengue , tinmagey met na 46 percent so kaso na leptospirosis no iner 12 indibidwal la so inatey.
Impalapag na saray pigaran health authorities ya posible nin naaruman so naikurit ya bilang lautla agni unaabeba so delap ed pigaran lugar diad probinsiya.
Diad kaplesan, patuloy so pantatawag day imano ed publiko ya iwasan so unlusong diad delap piyan makaiwas ed antokaman ya sakit.
