DAGUPAN CITY– Malet ya pantataryaan na saray atleta ya manlapud Rehiyon Uno so Palarong Pambansa 2018 ya nagawa diad luyag na Ilocos Sur.
Diad ekslusibon impituyaw na Bombo Radyo Dagupan ed kinen John Ruiz Bravo manlapud baley na Lingayen, inkuwanto ya tuloy tuloy la so gagaween dan preparasyon lautla baleg yan tournment so nagawa.
Inkuwanton nakaokolan dia so malet ya training o pan-ensayo lautla iilaluan ya maksil iray nakalaban da ya manlapud nanduruman rehiyon diad bansa.
Kaleganan tonya, imbaga met nen Bravo ya saray atleta manlapud National Capital Region o NCR so ipapasen ya maksil ta sikara so palanang ya mananalo diad palarong pambansa.
Si Bravo so milaban ed galaw ya chess ed nanduruman kategorya.
Akabatan ya saya so mikatlon pankanaw nawan unsali si Bravo diad abitlan kompetisyon tan manilalon makapangisempet lamet na say gold medal.
