Inanunsyo ni Defense Minister Shinjiro Koizumi na maglalagay ang Japan ng surface-to-air missiles sa isla ng Yonaguni bago matapos ang Marso 2031, bilang bahagi ng pagpapalakas ng seguridad sa rehiyon.
Ang Yonaguni ay nasa 110 kilometro lamang mula sa Taiwan, na inaangkin ng China bilang bahagi ng teritoryo nito.
Hindi rin isinasantabi ng Beijing ang paggamit ng puwersa upang mapasailalim ang Taiwan.
Lalong tumindi ang tensyon sa pagitan ng Japan at China matapos ipahiwatig ni Prime Minister Sanae Takaichi na maaaring gamitin ng Japan ang Self-Defense Forces sakaling magkaroon ng pag-atake sa Taiwan.
Ayon kay Koizumi, ang mga ilalagay na medium-range missiles sa Yonaguni ay kayang sumabat sa paparating na eroplano at missile.
Wala pang opisyal na pahayag ang China hinggil sa pinakahuling anunsyo.
