DAGUPAN CITY – May mga nakahandang programa at aktibidad na isasagawa sa paggunita ng Undas ang isa sa mga pribadong sementeryo sa syudad ng Dagupan
Sa panayam ng Bombo Radyo Dagupan kay Victoria Cayabyab, ang Branch Manager ng Eternal Gardens, isang pribadong sementeryo, marami silang inahanda para sa kanilang mga kliyente at sa publiko na mga programa at aktibidad.
Ilan sa mga ito ay ang Halloween Costume Party na para sa mga bata na gaganapin sa Oktubre 30 bandang alas 10 ng umaga; mayroon ring aktibidad para sa mga alagang hayop na Eternal Pet Costume na gaganapin naman sa Oktubre 31 bandang alas 3 ng hapon.
At sa Nobyembre 1 naman, bukod sa paggunita ng Undas, ay magsasagawa rin sila ng Holy Mass bandang 10 ng umaga.
Kaugnay nito ang Acoustic Soul Serenade at Candle Lighting Ceremony ay gaganapin sa parte ng St. John bandang alas 6 ng gabi.
