Nakikipag usap ang soccer federation ng Iran sa FIFA tungkol sa posibilidad na ilipat ang kanilang mga laban sa World Cup sa Mexico mula sa Estados Unidos dahil sa mga alalahanin sa kaligtasan ng kanilang mga manlalaro.
Ayon kay Iranian soccer president Mehdi Taj, nailagay sa alanganin ang paglahok ng Iran sa pandaigdigang torneo matapos magsagawa ang mga co-host na Estados Unidos ng magkasanib na air strike laban sa bansa kasama ang Israel.
Sinabi ni US pres. Donald Trump noong nakaraang linggo na malugod na tinatanggap ang Iran na lumahok, ngunit iminungkahi niyang maaaring hindi angkop para sa kanila na maglaro sa US para sa kanilang sariling buhay at kaligtasan.
Hindi agad tumugon ang pandaigdigang namamahalang katawan ng soccer na FIFA sa kahilingan para sa komento.
Nakuha ng Iran ang kanilang ikaapat na sunod na paglahok sa World Cup matapos manguna sa kanilang grupo sa ikatlong round ng Asian qualifying noong nakaraang taon.
Nakatakdang magsimula ang torneo sa Hunyo 11 sa Estados Unidos, Canada, at Mexico, kung saan ang Iran ay nakaiskedyul na maglaro ng dalawang laban sa group stage sa Los Angeles at isa sa Seattle. Ang Belgium, Egypt, at New Zealand ang makakaharap ng Iran sa Group G.
