DAGUPAN CITY– Impalapag na sakey ya political analyst ya dakel so naalan pinanabang so bansan Pilipinas ed say inpanhost to natan na gagaween ya 31st Association of Southeast Asian Nations o ASEAN Summit.
Diad eksklusibon impituyaw na Bombo Radyo Dagupan ed kinen Atty. Prospero De Vera, inkuwanton dakel so naalan pinanabang na bansa lautla isisilibra met natan so ika-50 taon na ASEAN tan sakey so Pilipinas d saray nanpaalagey na ASEAN.
Sa kabaliksan to, manlapud saman ya ginawa so ASEAN et kaiba la so Pilipinas ya mannonot na konsepto ya paniibaen iray bansa diad ASEAN tan mantolongan parad iyunlad na amin partikular ed saray totoo na say bansan membro tonya.
Walay investment na Pilipinas diad ASEAN makasengeg sakey so bansa ed saray orihinal ya founder tonya.
Inkuwanto ya diad apalabas ya 50 taon so kalkalnan unkakasil so ASEAN ta no nengnengen wala la diad Asya so economic growth na interon mundo tan dia inkuwanto akasalalay so iyunlad na interon mundo diad ASEAN tan Asya.
Inyarum to nin say plimeron minabang ed iyunlad iray bansan membro na ASEAN no tulong tulong so ekonomiya tan aray lider na ASEAN tan siguruen dan say unaan dan tolongan ed saray kapara dan bansa ya wala ed rehiyon.
