DAGUPAN CITY– Anggapoy agawan fishkill diad ciudad na Dagupan.
Saya so imporek nen Dagupan City Mayor Belen Fernandez nilirad isyu na malaknaban ya impatey na saray bangus diad parte na Western Pangasinan.
Diad ekslusibon impituyaw na Bombo Radyo Dagupan ed kinen Fernandez, inkuwanton malet so gagaween dan monitoring diad saray kailugan diad ciudad tan anggaman saray fish pen owners so makasisiguron anggapoy agawan impatey na saray sira.
Inkuwanton anggapo so agawan malaknaban ya fishkill diad ciudad.
Imbaga tonin naha-harvest met ya maayos na saray fishpen owners iray alaga dan bangus tan tariwa irayan aangkaten tan aawiten diad saray tindaan diad ciudad.
Koneksyon tonya, kinompirma met na abitlan mayor ya kinatongtong tola iray managsigay diad ciudad tan pinayuan ya agga manlalako na saray botchan bangus.
Kinerew to met ed sikaran gawaen ya leksyon so agawa diad baley na Anda tan Bolinao no iner libo libon sira so inaatey lapid panuman uman na temperaturan nararanasan diad bansa.
