Incumbent municipal councilor , inaresto lapud kason illegal ya sugal

DAGUPAN CITY – Matalonggaring ya naaresto so sakey ya Incumbent Municipal Councilor lapud kakaarapen toyan kaso ya walay koneksyon ed iligal ya sugal diad baley na Bugallon, Pangasinan.

Kinabat so naareston suspek ya si Marlon Cuison, 49 anyos, residente na Brgy. Poblacion diad abitlan baley.

Diad biskeg na Warrant of Arrest, ya impaway na RTC Branch 38 naaresto iya lapud kakaarapen ton kason Illegal Gambling o PD 1602 ya naamyendahan bilang RA 9287.

Kaleganan tonya, say sangkaonoran ya impormasyon, akapanpiyansa la iya na 40,000 pesos paran temporaryo toyan kawayangan.