DAGUPAN CITY- Malike liket tan ngalngalin agga makapanisia si Mrs. Teresita Robosa Jove, ina nen Mark Tristan Pangilinan Robosa ya nan topnotcher diad 2018 Nurse Licensure examination.
Onong ed kinen Mrs. Robosa, indasa dasal ton komon makapasa si anak to kanyan ngalngalin agga makapanisian nala na anak to so sangkatageyan ya rating ya 87.60 piyan man topnotcher ed say masolok ya 4,000 ya angala na eksamin.
Si Mark Tristan Robosa ya tubod barangay San Vicente, Calasiao, Pangasinan so nansumpal diad University of Pangasinan.
Say istorya na ina to diad esklusibon impituyaw na Bombo Radyo Dagupan, sobray anos ton manaral so anak to tan aliwan paakar.
Nen immune so ngalngalin agto labay si kurson nursing tan say immunan labay ton laen so medtech.
Nantulong tulong so pamilya da piyan sikatoy napanaral.
Mabetbet to konon bibilinen iray anak ton agni mi- iinaruan anggad agnira nansumpal diad panaral.
Kumaduwa si Mark ed sikaran sanagi.
Say pangluwan so angala met na kurson nurse tan mantratrabaho met la diad New York.
kabatan ya plano met nen Mark ya mag-aral lamet o magdoctorate.
