DAGUPAN CITY– Agla komon dinmakel so bilang na saray inatey ya sundalo.
Saya so palapag nen Pangasinan 2nd District Congressman Leopoldo Bataoil kasumpalan ya agga atuloy so peace talks diad baetan na Communist Party of the Philippines-National Democratic Front (CPP-NDF) tan gobyerno.
Onong ed kinen Congressman Bataoil, dakel ya bilay so naandi tan pigaran pankayaryan na gobyerno so aderal lapud say nagagawan labanan na saray sundalo tan Komunistan grupo.
--Ads--
Bangbalet naiwasan komon eya no awalaan na pormal ya tungtongan diad baetan na gobyerno tan rebeldeng grupo.
Manilalo si Bataoil ya unsabi panaon ya nagamuran so kareenan lautla no imanuen so kaandian na hustisya diad sosyedad ya lamot na say kolkolan.
