Impakasamalan na 39 ya Aetas ya dinmagop diad sakey ya feeding program, malet ya iimbestigahan

DAGUPAN CITY– Malet ya iimbestigahan so impakaospital na ngalngalin 40 miyembro na Aeta community diad Capas, Tarlac ya papanisiaan ya biktima na food poisoning

Inawit so 39 ya biktiman Aeta diad Tarlac Provincial Hospital kasumpalan ya anengnengan na sintomas na food poisoning.

Angan iray Aeta na pork adobo, pork barbeque tan pork menudo diad feeding program na sakey ya non-government organization manlalapud Bulacan.

Nanlapud niray Aeta diad Sitio Bethel ya parte na Barangay Maruglo.