Inanunsyo na ng senado ang pagpapalit at pananatili ng ilang mga chairmanship sa iba’t ibang komite sa senado.
Ilan sa mga miyembro ng mayorya ay napalitan sa kanilang hinawakan na komite.
Pumalit si Sen. Bong Go bilang bagong Chairperson ng Committee on Health and Demography na dating nasa pangangalaga ni Sen. Risa Hontiveros.
Pinalitan din ang dalawang komite na hawak ni Sen. Loren Legarda kung saan ipinasa kay Sen. Joel Villanueava ang Chairmanship ng Committee on Higher Technical and Vocational Education at kay Sen. Jinggoy Estrada naman ang Committee on National Defense and Security, Peace, Unification, and Reconciliation.
Bago naman hahawakan ni Sen. Loren Legarda ang Chairmanship ng Committee on Basic Education na dating hawak ni Sen. Bam Aquino.
Maging ang magkapatid na sina Sen. Raffy Tulfo at Sen. Erwin Tulfo ay nawalan na rin ng chairmanship.
Hawak na ni Sen. Rodante Marcoleta ang Chairmanship ng Committee on Public Services at kay Sen. Jinggoy Estrada naman ang Committee on Games and Ammusement
Samantala, narito naman ang ilang komite na napanatili ang kani-kanilang chairperson.
- Sen. Loren Legarda – (retained) Chairperson, Committee on Culture and Arts
- Sen. Pia Cayetano – (retained) chairperson, Committee on Ways and Means
- Sen. Christopher Bong Go – (retained) Chairperson, Committee on Sports
- Sen. Pia Cayetano – (retained) Chairperson, Committee on Sustainable Development Goals, Innovation, and Futures Thinking
- Sen. Robin Padilla – (retained) Chairperson, Committee on Public Information and Mass Media
- Sen. Robin Padilla – (retained) Chairperson, Committee on Cultural Communities and Muslim Affairs
Ipagpapatuloy naman bukas, May 19, 2026, ang pagpapalit ng chairmanship ng iba pang mga komite.
Bukod pa riyan, tuluyan na rin nag-convene ang senado sa pagiging Impeachment Court.
