DAGUPAN CITY– Anggaman ipapasen ya seryoso so sitwasyon ya nagagawa natan diad Syria, aliwan rason piyan nawalaan na World War.
Onong ed kinen datin House Speaker Jose De Venecia Jr. taqn sikato natan so Special Envoy of the President to the Asia Pacific Economic Cooperation (APEC), duga labat so ginawan military action na United States, Britain tan France kontrad Syria ta masyadong peligro so panamot na chemical weapons na Syria.
Nakaokolan ya naiwasan so gulo ed saman ya parte ta aliwa labat lan simplen atomic warfare so agawa no ingen Thermalnuclear tan hydrogen warfare la.
No man bilang aliwa lan saksakey ya lugar so ikiwalaan na retaliation o pambawi no ingen diad arum ya lugar ya magmaliw ya sengegan na ikiwala na global conflagration.
Akabatan ya diad abitlan airstrikes, taloran target so atamaan la ya onong ed saray Western officials so walay koneksyon diad chemical weapons development diad Damascus tan Homs.
