Posiblen nawalaan na aray aftershocks ed say manontombok iran agew kasumpalan na magnitude 6.1 ya yegyeg ya tinmama ed pigaran lugar diad Luzon kabiangan so Metro Manila.
Diad esklusibon impituyaw na bombo radyo Dagupan ed kinen Philippine Institute of Volcanology and Seismology o Phivolcs Director Renato Solidum, inkuwanton walay 41 aftershocks ya nikurit kasumpalan na yegyeg .
Inkuwanton, say sangkakasilan ya aftershocks so magnitude 3.0 ya nikurit diad Olongapo City, Zambales ya alikna bandad ala 5:14 na ngarem
Impaliwawa nen Solidum, ya say ginmalaw ya fault so local fault tan pahalang so ingalaw to kanyan anggapoy koneksyon tonya ed fault diad Manila tan diad Tarlac, Pangasinan area.
Alikna so yegyeg diad pigaran parte na Metro Manila tan pigaran probinsya diad Luzon.
