BOMBO DAGUPAN – Hindi bababa sa 34 katao ang nasawi matapos uminom ng nakalalasong bootleg na alak sa southern Indian state ng Tamil Nadu.
Naganap ang insidente sa distrito ng Kallakuruchi kung saan maraming residente ang nagkasakit matapos uminom ng alak noong Martes ng gabi.
Hindi bababa sa 80 katao ang ginagamot sa mga ospital para sa mga sakit tulad ng labis na pagdumi at sinabi ng mga opisyal na maaaring tumaas pa ang bilang ng mga nasawi.
Dalawang tao na ang naaresto sa ngayon at isinasagawa ang mas malawak na imbestigasyon.
Sinuspinde din ng mga awtoridad ang isang matataas na opisyal ng pulisya at sampung miyembro ng prohibition enforcement wing ng estado dahil sa kapabayaan.
Dose-dosenang mga tao ang namamatay sa India bawat taon pagkatapos uminom ng bootleg na alak mula sa mga backstreet distilleries.
Ang mga bootlegger ay madalas na nagdaragdag ng methanol – isang lubhang nakakalason na anyo ng alkohol na minsan ay ginagamit bilang isang anti-freeze.
Ang methanol ay maaaring magdulot ng pagkabulag, pinsala sa atay at kamatayan.
