DAGUPAN CITY– Akaliknay trauma so sakey ya grade nine student kasumpalan ya tinmayak so video na inpanabuso diad say sikato na 22 anyos ya IT Student ya akachat tonya ed facebook diad Hagonoy Bulacan.
Agla unloloob diad klase to so biktima ya inyamot diad ngaran ya Jenny makasengeg ed kababaingan to kayarin itayak na suspek ya si Nicole John Salamat so inala ton video legan ya aabusuen so biktima diad apartment to.
Onong ed biktima, kinaaro iya na suspek diad facebook tan akumbinsin minengnengan ed sikato.
Nan-inuman iran duwa nen akalikma so biktima na pankapoy na laman to. Nen kabangon to so wala lad apartment eya na suspek tan agawa lay inpanabuso ed sikato.
Nandisisyon so biktima ya mandalem ed ateng to tan kinmerew na tulong ed saray pulis.
Kinmerew ni kuno so suspek na bente singkomil ya kasalat ta pyan buralen to so asalitan video.
Alerton nangawa met iray pupulis na entrapment operation katon narel dan tampol so suspek.
Naaarap lad kason anti photo and video voyeurism act, robbery extortion, rape tan child abuse so suspek ya inmamin ed ginawa ton krimen.
