DAGUPAN CITY– Kasumpalan na akasangkutan ya kontrobersyal ya isyu, magmaliw lan malet lay criteria na University of Santo Tomas Alumni Association ed say panpili na itdan o gawaran na government service award.
Saya so impalapag nen Atty. Jack Castaneda presidente na UST Law Alumni Foundation diad impituyaw ed sikato na Bombo Radyo.
Onong ed kinen Castaneda, mas eletan da natan so criteria nilirad Thomasian Alumni Award for Government Service piyan agla naulit so agawan inpanbalaw ed Unibersidad untan met ed kinen Presidential Communications Assistant Secretary Mocha Uson.
Inkuwanton siguruen dan diad untombok ya selection so undalan la iya ed mas strikto tan mas ambelat ya category.
Say labay tonyan ibaga, pabelaten la so basian na panangiter na parangal .
