Tuluyan nang natapos ang kampanya ng Gilas Pilipinas sa 2026 Asian Games matapos silang talunin ng China, 105-61, nitong Lunes sa Aichi International Arena.
Dahil sa pagkatalo, nagtapos ang Gilas sa 1-2 rekord sa Group C at hindi na nakapasok sa quarterfinals.
Kailangan ng Pilipinas na manalo, o matalo nang hindi hihigit sa 37 puntos, para magkaroon ng tsansang umabante. Ngunit agad na lumamang ang China, 36-16, matapos ang unang quarter.
Pagsapit ng halftime, lalo pang lumaki ang lamang ng China sa 66-30.
Nanguna si Junjie Wang para sa China na may 20 puntos, habang si Calvin Oftana ang top scorer ng Gilas na may 13 puntos.
Tinapos ng China ang group stage na may malinis na 3-0 rekord.
Samantala, umabante sa susunod na round ang Jordan at Saudi Arabia, kasama ang China, South Korea, Japan, Iran, Chinese Taipei, at Bahrain.
Sa mabigat na pagkatalo, tuluyan nang naputol ang pag-asang maipagtanggol ng Gilas Pilipinas ang kanilang gintong medalya.
