Nabigo ang Gilas Pilipinas matapos matalo sa Australia sa iskor na 92-49 sa ikatlong window ng 2027 FIBA World Cup Asian Qualifiers na ginanap sa RAC Arena sa Perth.
Hindi nakayanan ng PH Team ang kanilang turnover woes, kung saan umabot sa 19 errors na nagresulta sa 30 puntos para sa Boomers.
Mula sa umpisa ay nakapantay pa ang laban sa 8-all, ngunit agad nagpakawala ng 16 sunod-sunod na puntos ang World No. 6 Australia upang makuha ang malaking abante.
Sa ikalawang yugto ay nakabawi ang Gilas at naibaba sa 12 puntos ang lamang, subalit muling bumangon ang home team at tuluyang lumayo sa ikalawang kalahati.
Dahil sa pagkatalo, nagtapos ang Pilipinas sa kartadang 2 panalo at 4 na talo, at papasok sa ikalawang round bilang third seed ng Group A.
Sa susunod na yugto, nakatakdang harapin ng Gilas ang Jordan at Iran sa huling bahagi ng Agosto sa Mall of Asia Arena sa Pasay.
Ang dalawang koponan ay nagtapos bilang top seeds ng Group C matapos magtala ng tig-limang panalo sa anim na laro.
Sa kabila ng mabigat na pagkatalo, may pagkakataon pa ang Gilas na makabawi at ipakita ang mas matatag na laro sa susunod na round ng qualifiers.
