DAGUPAN CITY– Akaranas na gataw o panlepwa na aray bangus diad pigaran kapukokan diad ciudad na Dagupan makalanor ed ampetang ya panaon tan sandaraiset ya pan uran uran.
Lapud sayan naliliknan gataw so nangawa na force harvest ed saray aalagaan ya bangus iray bangus growers diad ciudad.
Impaliwawa na aray eksperto ya nagagawa so gataw lapud inleksab na dissolved oxygen diad saray kapukokan.
--Ads--
Akabatana ya naaapektuan so kalidad na danum diad saray kapokolan makaasengeg ed say petang na panaon ya sasabayana na say panuran no ngarem o labi.
Diad sayan kaplesan, malet ya tututukan na City Agriculture Office iray kapokokan diad ciudad.
