Kinumpirma ni US president Donald Trump na binomba ng US ang Fordo at iba pang nuclear sites sa Iran.
Tinawag ni Trump ang mga pag-atake na matagumpay kung saan ang buong kargamento ng bomba ay inihulog sa Fordo, ang pangunahing pasilidad ng Iran para sa uranium enrichment.
Ayon sa media ng estado ng Iran, bahagi ng pasilidad sa Fordo ay tinamaan ng airstrike.
--Ads--
Ang pag-atake ay sumasalamin sa istilo ni Trump sa kanyang pamamalakad sa ugnayang panlabas.
Naunang naiulat na magpapadala ang Washington ng mga B-2 stealth bombers sa isla ng Guam, na nasa ilalim ng Estados Unidos at ito ang mga eroplanong kayang magdala ng mga bombang kinakailangan upang sirain ang Fordo.
