Baleg ya dam diad baley na Rosales, Pangasinan aderal…3,000 ektaryan dalin, apektado

DAGUPAN CITY – Aderal so sakey ya baleg ya dam diad baley na Rosales luyag na Pangasinan no iner aalaen na saray dumaralos diad Eastern Pangasinan so danum para ed daralusan da.

Onong ed kinen Oftociano “Anong” Manalo, Federation president na Pangasinan Farmers Irrigators Association diad probinsya, say inkaderal tonya so akaapekto ed 3,000 ektaryan dalin ya daralusan diad limaran baley ed luyag na Pangasinan tan Moncada ed luyag na Tarlac.

Itetetel so inkaderal tonya ed say impangipaway na danum na San Roque Dam piyan untulong ed pangiter na supply na kuryente diad Metro Manila.

Kaleganan tonya, kaplesan lan aapigeren so abitlan dam. Angipawit la na enhinyero so NIA diad lugar tan untutulong met ray dumaralos ed pankomponi ed saya.