Ibinahagi ni Feng Shui Master Hanz Cua ang kanyang Feng Shui Advice para sa 2025 Year of the Wood Snake sa mga Zodiac Signs.
Sa panayam ng Bombo Radyo Dagupan, nagbigay siya ng kanyang mga prediksyon sa feng shui kung paano magiging maganda ang kapalaran.
Ibinahagi rin niya ang mga detalye tulad ng mga maswerteng oras, direksyon, kulay, mga numero, at nagbibigay pa ng mga payo sa Feng Shui upang matulungan ang mga tao na mapalakas ang swerte sa taong ito.
Sa taong 2025, sinabi ni Cua na patok na negosyo na may kinalaman sa pagkain, pero marami aniya ang kakumpetensya.
Samantala, nagbigay rin siya ng hula sa mga zodiac signs.
Inihalimbawa nito ang zodiac signs na daga kung saan sa usaping pagibig ay magkakaroon ng mga hindi pagkakaintindihan, paghiwalay, at kahit mga pagtataksil.
Sa karera ay makikilala umano ang mga importanteng tao na tutulong sa hinaharap.
Maganda rin aniya ang mga vibes para sa networking at iba pang mga sosyal na interaksyon.
