DAGUPAN CITY– Mangagawa na debriefing so liderato na Mangaldan National High School diad saray estudyante tan aray personnel kayari na agawan ponitian diad loob na campus ya nanresulta na impatey na sakey ya Grade 11 student.
Diad eksklusibon impituyaw na Bombo Radyo Dagupan ed kinen Dr. Leo Blaquir, Principal na MNHS, impalapag ton say getma na abitlan debriefing pian agla naulit so agawan insidente tan i-enhance so safety tan security measures.
Diad kaplesan, prayoridad dan naitdan na kaaruman ya CCTV Cameras tan mangarum na aray guwardiya piyan manliber tan nabaat iray insidente singa say pansasakitan daray estudyante.
Paulit ulit dan ipapanonot ed saray estudyante so character o values formation ya importanten aspeto piyan aga ra napariwara.
