DAGUPAN CITY- Asugatan so 2 estudyante ya Nigerian national ed karambola na taluran luluganan ed baley na Calasiao Pangasinan.
Awalaan na sugat ed say kalamanan da so saray biktimang si Ugochukwu Chidoie , 23 anyos tan say kaiba ton si Michael Chika 22 anyos parehon College Student ya manaayam ed Brgy. Malued, Dagupan City.
Unong ed sa impormasyon ya manlapud kapulisan dadalanen na saray biktima so Sitio Nansangaan Mancup Calasiao lugan na sakey ya kotse nen akadumbuan da so sakey nen luluganan ya mamanehuen met nen Josh Lyle Soriano, 20 anyos, college student ya residente na Palaris St San Carlos tan ya bimangga met ed sakey nen luluganan ya mamanehuen nen Zaldy Capua, 54 anyos ya residente na Doyong Calasiao.
Lapud saya et awalaan na sugat ed laman da ra so biktima.
Nibatik met ed patambalan so saray biktima ya wadya lad maong ya kipapasen.
