DAGUPAN CITY– Inatey so duwaran drug pusher kasumpalan ya akipaltogan ed saray pulis ya nangawa na buybust operation diad baley na Manaoag, Pangasinan.
Kinabat iray apatey ya sikara di Danilo Cendaña, walad suston edad tan residente na Barangay Coldit diad baley na Asingan tan si Jopet Caldona, walad suston edad tan residente na Barangay Bolaoit diad baley na Malasiqui.
Onong ed PNP Manaoag, nangawa ra na buybust operation kontra iligal ya droga piyan naerel so duwara bangbalet atunugan dan pulis so katransaksyon da.
Sakey ed saray suspek so nanpaway na paltog tan inputok ed arresting officer diad ginawan operasyon.
Maswerte met ya tinmama so paltog diad bullet proof vest na pulis kanyan agga iya asugatan tan akabales ya tampol na putok iray kakaiba to ya sengegan na impakapaltog daray suspek.
Tampol ya inawit irad ospital bangbalet sikaray indeklaran andi lad bilay na saray doktor.
