DAGUPAN CITY– Matalonggaring ya ginawa so Dugong Bombo 2017 na Bombo Radyo Philippines diad ciudad na Dagupan ,luyag na Pangasinan.
Inmabot ed 304 so bilang na aray successfull blood donor ya akibiang ed abitlan blood letting activity na Bombo Radyo Dagupan .
Dakel so bilang danya natan no ikumpara ed say apalabas ya taon ta dakel la so atangguyor natan.
Dakel so nanpaneknek ya walay benipisyo na panagdonate na dala ya nanaistorya ed saray first time donors.
Kaslakan na nanboluntaryon nandonate iray estudyante partikular saray ROTC students, Philippine Army, Philippine Coastguard, pulis, mamaestra, tan warden na saray BJMP.
Wala met iray sanasawan nanbansag ya nandonate na dala.
Wala met iray agga pinmasa diad screening na Philippine Red Cross.
Say arum so aga inaboloyan ya makapan donate ta kulang ira na belat, apuyat diad trabaho, atagey so blood pressure, kakasumpal ya nandonate na dala tan akagetar ya mantrabaho diad arum ya bansa.
