DOH napapagaan ed intagey na kaso na japanese encephalitis diad bansa, Pangasinan akapangikurit na sangkarakelan na kaso

DAGUPAN CITY– Napapagaan so Department of Health lapud patuloy ya idarakel na kaso na japanese encephalitis diad bansa.

Kabilang ya babantayan na DOH so Region 1.

Onong ed record, say Pangasinan so awalaan na sangkadakelan ya bilang.

Say Japanese Encephalitis so panlarag na utek lapud virus ya nayarin naala diad ketket na ageyet.

Nayarin ipatey na too so sayan sakit.

Kaslakan saray kapan-anak ya ogaw so tan ogogaw so mansasakit na saya.

kabiangan ed saray sintomas na abitlan sakit say panpetang, pangoligol, pakaelew tan pan uta.

Papayuan na saray Health authorities iray atateng ya pabakunaan so anak da piyan makaiwas diad sakit.