DAGUPAN CITY- Impatonton so diversion na pigaran ruta paunla tan papaway diad probinsya na Pangasinan natan ya Huwebes Santo.
Impalapag nen PCI Norman Florentino, say manangidaulo na Police Community Relations (PCR) na Pangasinan Police Provincial Office, ya ginawa so abitlang kurang lapud malet ya trapiko partikular diad Eastern Pangasinan. Likod ed saya. iilaloan met ya unelet so trapiko lapud gaween ya prosisyon natan tan alay lakad paunlad Minore Basilica of Our Lady of Manaoag.
Diad kaplesan, onong ed kinen Florentino, makalanor ed elet na trapiko, pinada-divert so arum ya motorista diad ciudad na Urdaneta tan diad baley na Sison.
Malet met ya untutulong diad saray motorista so pupulis tan arum niran force multipliers ya kabiangan ed TASK FORCE MAHARLIKA piyan naalwaran so antokaman ya makapoy ya insidente makasengeg ed say trapik.
