DILG Pangasinan mas pakasilen day kampanya kontrad droga

DAGUPAN CITY– Pursigido so Department of Interior and Local Government Region 1 ya mas pakasilen day kampanya kontrad droga piyan nagamuran so target dan magmaliw ya drug free province so luyag na Pangasinan.

Onong ed kinen DILG Director James Fadrilan, kumpiyansa iyan gagaween na saray kapulisan untan met say dapag na PDEA so trabaho da pian nalinis so probinsya diad isyu na iligal ya droga.

Inkuwanto ya no agda gagaween ya maong so trabaho da so anggapo eray baley ya naideklaran drug free municipality.

No nanonotan nen apalabas ya taon so impalapag na Police Provincial Office-Pangasinan ya target dan naala so titulon ‘drug free province’ diad probinsya na Pangasinan natan ya taon.