DAGUPAN CITY- Inmabot ed 10 ft o samploran piye so katagey na delap diad baley na Calasiao diad luyag na Pangasinan.
Onong ed report, saray lugar ya akapangikurit na 9 anggad 10 ft ya delap say barangay Longos , Cabaruan tan Casintak.
Legan ya say arum ya barangay so inmabot ed pituran piye tan sangkaabebaan la so taloran piye na katagey na danum.
Diad katibokelan , unaabot ed 22 barangay ed abitlan baley so naapektuan na delap.
Lapud saya, nagmaliw ya pairapan so panlikas ed saray residente diad abitlan baley.
Diad kaplesan, unaabot la ed 600 pamilya 0 2,500 ya indibidual so ilikas ang inilikas.
Say baley na Calasiao so sakey ed saray baley diad Pangasinan ya nadedelap ya maong no walay bagyo.
Kaleganan tonya, arawi nid spilling level so danum ed San Roque dam diad luyag na Pangasinan.
Diad kaplesan so wala ed 264.90 meters above sea level so Current Level na dam tan arawi nid spilling level ya 280 meter above sea level.
