Kasalukuyang humaharap sa Senate Impeachment Court sina Davao City Mayor Sebastian “Baste” Duterte at dating Senador Antonio Trillanes IV bilang mga saksi sa patuloy na paglilitis sa mga reklamo kay Vice President Sara Duterte.
Sumalang ngayon si Mayor Baste upang magbigay ng kanyang pahayag at magprisinta ng mga hiniling na dokumento kaugnay ng kanyang mga negosyo at ari-arian.
Tetestigo naman si Trillanes sa harapan ng mga senador-judge hinggil sa mga kontrobersyal na usapin ng mga bank account at pondo na ibinabato laban sa bise presidente sa ilalim ng Article II.
Ginagamit ng prosecution panel ang ginagawang pagpapaliwanag ng dalawa upang patunayan ang mga alegasyon ng hindi maipaliwanag na kayamanan at hindi wastong pagdedeklara sa SALN.
Inaasahang magkakaroon ng malaking impact sa kaso ang salaysay ng dalawa, base sa pananaw ng ilang political analyst.
