Binawian ng buhay si Dating Board Member Raul Sison dahil sa cardiac arrest at kinalaunan ay nagpositibo sa Covid-19.
Dinala ito sa The Medical City Ortigas matapos makaranas ng ilang sintomas ng sakit. Kabilang umano ito sa mga binantayang Person Under Investigation kung saan kinalaunan ay nagpositibo ito sa Covid-19.
Nasawi ang dating opisyal ng probinsiya sa edad na 60 kahapon.
--Ads--
Nagpaabot naman ng pakikiramay ang mga dati nitong kasamahan sa Sangguniang Panlalawigan maging ang ibat ibang mayor sa probinsiya.
Si Sison ay matagal na nanungkulan bilang board member sa ikalawang distrito ng Pangasinan. Nagsilbi din itong alkalde at bise alkalde sa bayan ng Urbiztondo.
