DAGUPAN CITY- Inatey so sakey ya datin brgy chairman kasumpalana ya pinapaltog na saray aga kabat ya suspek diad mismon abong tonya diad brgy Colayo ed baley na Bani, Pangasinan.
Kinabat so biktima ya si Conrado Huellas, sitentay siyete anyos tan residente diad abitlan lugar.
Onong ed imbestigasyon, bandad alas nuwebe na kabi nen wala lad kwarto so sanasawa kayari dan manbantay na paway diad tv so bigla labat iran akangel na tanol na paltog ya say pakaanta da so nanlapud sinmabog ya wire.
Kasumpalan na pigaran minuto so akanengneng so asawa na biktima na balay caliber 45 nanlapud bintana tan kay
ari to man so nantutumbukan la so putok tan anengneng to labat lay asawa ton akarukol lan dalaan.
Tampol met ya inmalis iray suspek nen anta dan inatey la so biktima.
Diad kaplesan so iimbestigaan la na saray otoridad so insidente tan gagaween day polaing piyan nakabatan iray suspek.
