DAGUPAN CITY– Inanunsyo la so Darling of the Press ya manlapud saray kasalin kandidata ed Limgas na Pangasinan 2018 diad ginawan Press Presentation ed Pangasinan Training and Development Center.
Nala nen Miss Joy May Anne F. Barcoma ya manlapud baley na Villasis so titulon Darling of the Press no iner akagetar ya iter so abitlan award diad coronation night na abitlan pageant.
Say abitlan award so iiter ed sakey ya kandidata ya napili na saray mediamen diad panamegley na panebat ed say tepet daranya.
Diad katibokelan 23 kandidata ya manlapud nanduruman baley tan syudad diad luyag so nanlalaban pian naala so korona na Limgas na Pangasinan 2018.
Akagetar ya gaween so Pre-Pageant diad April 24 diad Sison Auditorium legan ya say coronation night so nagawa no April 30 diad Capitol Plaza ed baley na Lingayen.
