Mga Ka-bombo! Aware ka ba sa mga bawal na pagkain para sa mga sanggol?
Alam mo ba ang mga maaaring mangyari sa iyong anak kapag pinakain mo ito ng mga pagkaing para lamang sa mga matatanda?
Isang nakalulungkot na pangyayari kasi ang sinapit ng isang dalawang taong gulang na sanggol mula sa South Korea matapos pakainin ng spicy sauce at painumin ng alak ng kaniyang mga magulang.
Dahil dito, kinaharap ng mga magulang ng bata ang mga kasong child abuse matapos masawi ang sanggol.
Ayon sa paglilitis, pinilit nilang pakainin ang bata ng sobrang maanghang na noodle brand sauce at isang matapang na inuming alak.
Inabandona na rin umano ng mag-asawa ang paggamit ng feeding tube, at imbis na alagaan ito ng maayos ay pinilit nilang pakainin ng baby food ang bata.
Inabuso rin nila ang bata, pinapaluhod at tinatadyakan, na nagdulot ng mga pasa at bali sa ulo.
Nang matagpuang walang buhay ang sanggol ay tumawag lamang sila ng emergency services nang mapansin nilang hindi na humihinga ang anak.
Ang mag-asawa ay may tatlong ibang anak na agad inilipat sa pangangalaga ng kanilang mga lolo’t lola.
Wala namang palatandaan ng pang-aabuso sa iba pang mga bata.
