DAGUPAN CITY- Dakel lay deboton uunlad Minore Basilica of Our Lady of Manaoag diad luyag na Pangasinan.
Iilalon ya dake-rakel iray deboto ya nanlapud nid arum ya probinsya tan arum nin lugar singa say ciudad na Vigan tan Laoag.
Onong ed saray pigaran deboto, kanyan uunla rad man piyan naranasan da met so milagro diad Minor Basilica of Our Lady of Manaoag ta akabatan dan saya so makatambal.
Pankelawan na saray arum so pigaran imahen na santo ya nanengneng diad Basilica ta miduma duma ed saray sasantos diad arum ya lugar.
Kaleganan tonya, dake rakel ya uunlad sayan lugar so pami-pamilya. Kayari dan mimisa so sikaray manpapalitrato dimad replika na Birheng Maria ya narumog diad beneg na simbaan.
Wala met iray motorist assistance desk diad beneg na simbaan tan wala met laray assistance desk ya mangiter na medical assistance diad saray deboto
