Dagupan City – Nakiisa ang Dagupan City sa sabayang pagdiriwang ng ika-125 anibersaryo ng Philippine Civil Service sa pamamagitan ng 2025 Fun Run for a Cause na inilunsad ng Civil Service Commission ngayong Setyembre.
Idinaos ang aktibidad sa apat na pangunahing lugar sa rehiyon: CSI Mall Grounds sa Dagupan City, Poro Point Baywalk sa La Union, Aurora Park sa Laoag City, at Farmers Livelihood Center sa Vigan City.
Ang fun run ay bilang pagkilala sa kontribusyon ng mahigit dalawang milyong kawani ng gobyerno sa buong bansa at makalikom ng pondo para sa mga makataong programa ng CSC.
Bitbit ang temang “Bawat Kawani, Lingkod Bayani,” pinagtibay ng aktibidad ang suporta ng mga lokal na pamahalaan sa adhikain ng makabuluhang serbisyo publiko.
